udhar achchha nahin lagta idhar achchha nahin lagta

udhar achchhā nahīñ lagtā idhar achchhā nahīñ lagtā

hameñ ḳhvāboñ kā ab koī safar achchhā nahīñ lagtā

jo nafrat bāñTte rahte haiñ sub.h-o-shām duniyā meñ

mohabbat kā mirī un ko hunar achchhā nahīñ lagtā

kabhī kahte haiñ us ke bin rahā jaatā nahīñ ham se

kabhī kahte haiñ chāhat kā safar achchhā nahīñ lagtā

nasīhat ye hamesha hī tujhe bas yaad rakhnī hai

jo saḌ jaatā hai beTā vo samar achchhā nahīñ lagtā

vo jis ke saa.e meñ pal kar baḌe sab ho ga.e 'ātif'

unheñ ghar meñ vo ab būḌhā shajar achchhā nahīñ lagtā

ḳhudā kī zaat par tum to yaqīñ vaale the ai 'ātif'

tumhāre chehre par koī bhī Dar achchhā nahīñ lagtā

nahīñ rakkho koī rishta bhī us se tum mohabbat kā

kahīñ se bhī tumheñ 'ātif' agar achchhā nahīñ lagtā

udhar achchha nahin lagta idhar achchha nahin lagta

hamein KHwabon ka ab koi safar achchha nahin lagta

jo nafrat banTte rahte hain subh-o-sham duniya mein

mohabbat ka meri un ko hunar achchha nahin lagta

kabhi kahte hain us ke bin raha jata nahin hum se

kabhi kahte hain chahat ka safar achchha nahin lagta

nasihat ye hamesha hi tujhe bas yaad rakhni hai

jo saD jata hai beTa wo samar achchha nahin lagta

wo jis ke sae mein pal kar baDe sab ho gae 'atif'

unhen ghar mein wo ab buDha shajar achchha nahin lagta

KHuda ki zat par tum to yaqin wale the ai 'atif'

tumhaare chehre par koi bhi Dar achchha nahin lagta

nahin rakkho koi rishta bhi us se tum mohabbat ka

kahin se bhi tumhein 'atif' agar achchha nahin lagta