udhDe hue malbus ka parcham sa gaya hai
udhḌe hue malbūs kā parcham sā gayā hai
bāzār se phir aaj koī ham sā gayā hai
jhoñkā thā magar chheḌ ke guzrā hai kuchh aise
jaise tire paikar kā koī ḳham sā gayā hai
chhoḌūñ ki miTā Dālūñ isī soch meñ gum huuñ
ā.īne pe ik qatra-e-ḳhūñ jam sā gayā hai
gāloñ pe shafaq phūltī dekhī nahīñ kab se
lagtā hai ki jismoñ meñ lahū tham sā gayā hai
āñkhoñ kī tarah dil bhī barābar rahe kaḌve
in tañg makānoñ meñ dhuāñ jam sā gayā hai
'sajjād' vahī aaj kā shā.ir hai jo pal meñ
bijlī kī tarah kauñd ke shabnam sā gayā hai
udhDe hue malbus ka parcham sa gaya hai
bazar se phir aaj koi hum sa gaya hai
jhonka tha magar chheD ke guzra hai kuchh aise
jaise tere paikar ka koi KHam sa gaya hai
chhoDun ki miTa Dalun isi soch mein gum hun
aaine pe ek qatra-e-KHun jam sa gaya hai
galon pe shafaq phulti dekhi nahin kab se
lagta hai ki jismon mein lahu tham sa gaya hai
aankhon ki tarah dil bhi barabar rahe kaDwe
in tang makanon mein dhuan jam sa gaya hai
'sajjad' wahi aaj ka shair hai jo pal mein
bijli ki tarah kaund ke shabnam sa gaya hai
- Book : Dariche (Pg. 48)
- Author : Bashir Saifi
- Publication : Shakhsar Publishers (1975)
- Edition : 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
