uDne lagi thi chandni ban kar KHizan ki dhul

uḌne lagī thī chāñdnī ban kar ḳhizāñ kī dhuul

ham ne dabā.e aag meñ kin hasratoñ ke phuul

paañv ke pher ne kiyā māthe ko zard ḳhaar

taaza guloñ kī pyaas ne lab kar diye babūl

ujlī nigah kā tiir bhī aarī na kar sakā

rotī zabāñ ne bhar diye qissoñ meñ surḳh suul

paanī ke bulbule meñ bichhī ziist kī bisāt

phir us tahī anaar meñ ġham ne kiyā nuzūl

murġhābiyoñ ke pair se bāñdhī adam kī mauj

is aabī āsmāñ ko diyā phir nafas kā tuul

ye be-mahār ūñTnī sheroñ kī dekhiye

kartī hai kyā ġhazāl kī āñkhoñ se jhuul jhuul

uDne lagi thi chandni ban kar KHizan ki dhul

hum ne dabae aag mein kin hasraton ke phul

panw ke pher ne kiya mathe ko zard KHar

taza gulon ki pyas ne lab kar diye babul

ujli nigah ka tir bhi aari na kar saka

roti zaban ne bhar diye qisson mein surKH sul

pani ke bulbule mein bichhi zist ki bisat

phir us tahi anar mein gham ne kiya nuzul

murghabiyon ke pair se bandhi adam ki mauj

is aabi aasman ko diya phir nafas ka tul

ye be-mahaar unTni sheron ki dekhiye

karti hai kya ghazal ki aankhon se jhul jhul