uDte hain do-chaar parinde manzar dhundla dhundla hai

uḌte haiñ do-chār parinde manzar dhuñdlā dhuñdlā hai

parde par ik geñd lagī hai yā sūraj kā saaya hai

nannhī-munnī guḌiyā jaisī sūrat thī ik laḌkī kī

ab vo lākhoñ ke majma.a meñ train pakaḌtī chiḌiyā hai

qaabū meñ jitnī thiiñ bāteñ ham ne un ko rok liyā

kuchh bātoñ kā muñh se nikalnā be-qābū kī jvālā hai

kis se kis ko maat huī yā kis ne kis ko chhīn liyā

ye rishtoñ kī asl hai pyāre ye rishtoñ kī maalā hai

‘alī-zahīr' ke dil se pūchho dukh jo us ne jhele haiñ

kāñdhoñ par hai bojh sadī kā āñkhoñ meñ sannāTā hai

uDte hain do-chaar parinde manzar dhundla dhundla hai

parde par ek gend lagi hai ya suraj ka saya hai

nannhi-munni guDiya jaisi surat thi ek laDki ki

ab wo lakhon ke majma mein train pakaDti chiDiya hai

qabu mein jitni thin baaten hum ne un ko rok liya

kuchh baaton ka munh se nikalna be-qabu ki jwala hai

kis se kis ko mat hui ya kis ne kis ko chhin liya

ye rishton ki asl hai pyare ye rishton ki mala hai

‘ali-zahir' ke dil se puchho dukh jo us ne jhele hain

kandhon par hai bojh sadi ka aankhon mein sannaTa hai