ujlat ko iKHtiyar na kar intizar kar

ujlat ko iḳhtiyār na kar intizār kar

ḳhud par junūñ savār na kar intizār kar

ye iztirār zof-e-junūñ kī dalīl hai

yuuñ ḳhud ko be-qarār na kar intizār kar

maanā ki shahr-e-dil kī fasīloñ meñ chhed haiñ

qaa.em abhī hisār na kar intizār kar

beTā ye umr taab talab kāTne kī hai

is kam-sinī meñ pyaar na kar intizār kar

mumkin hai shaiḳh-e-jāñ kī tajallī fareb ho

duniyā-o-dīñ nisār na kar intizār kar

hoñge zarūr ḳhatm ye dardoñ ke silsile

dariyā-e-sabr paar na kar intizār kar

razm-e-vafā meñ sah ke dikhā tīr-e-tanz ko

teġh-e-zabāñ se vaar na kar intizār kar

kah kah ke baar baar judā.ī kī baat ko

tū aur pā.edār na kar intizār kar

dasht-e-junūñ abhī hai ġhubār-e-havās meñ

yuuñ shutur be-mahār na kar intizār kar

'āzād' ho ga.e haiñ asīrān-e-rāstī

ab dil kā e.atibār na kar intizār kar

ujlat ko iKHtiyar na kar intizar kar

KHud par junun sawar na kar intizar kar

ye iztirar zof-e-junun ki dalil hai

yun KHud ko be-qarar na kar intizar kar

mana ki shahr-e-dil ki fasilon mein chhed hain

qaem abhi hisar na kar intizar kar

beTa ye umr tab talab kaTne ki hai

is kam-sini mein pyar na kar intizar kar

mumkin hai shaiKH-e-jaan ki tajalli fareb ho

duniya-o-din nisar na kar intizar kar

honge zarur KHatm ye dardon ke silsile

dariya-e-sabr par na kar intizar kar

razm-e-wafa mein sah ke dikha tir-e-tanz ko

tegh-e-zaban se war na kar intizar kar

kah kah ke bar bar judai ki baat ko

tu aur paedar na kar intizar kar

dasht-e-junun abhi hai ghubar-e-hawas mein

yun shutur be-mahaar na kar intizar kar

'azad' ho gae hain asiran-e-rasti

ab dil ka eatibar na kar intizar kar