ukero na sine mein bachpan se mustaqbil aur kaamyabi ka Dar dil banao

ukero na siine meñ bachpan se mustaqbil aur kāmyābī kā Dar dil banāo

kisī dhuul khātī huī car ke kāñch par uñgliyāñ pher kar dil banāo

kabhī lauT aao jo shahr-e-tamannā meñ to mujh pe itnā sā ehsān karnā

yahāñ tiir pahle se maujūd hai jo use toḌnā mat agar dil banāo

taḳhat mez kursī chamakte haiñ kārī-garoñ ke lahū aur pasīne se ghar meñ

numā.ish hī karnī hai vahshat kī to chhīl kar kyoñ na jism-e-shajar dil banāo

buzurgoñ ne jo bhī kiyā hai use bhūlnā mat kabhī imtihānoñ meñ bachcho

kitāboñ meñ naqshe pe kitne bhī border hoñ tum copiyoñ meñ magar dil banāo

jo ḳhauf-e-nazar hai zamāne ke dil meñ vo baḌhtī huī dūriyoñ kā sabab hai

haTā do sabhī apne apne gharoñ se nazar-baTTū aur dar-ba-dar dil banāo

agar chāhte ho Thikāne lagānā bhaTakte hue āshiqoñ ko yakāyak

shab-e-hijr meñ ek udāsīn tālāb par chāñdnī se qamar dil banāo

'anant' ujlat-e-rā.egānī ke maare badalte rahe haiñ nasha umr-bhar se

davāoñ ke nāmoñ ko chhoḌo tum āshiq ke parche pe bas doctor dil banāo

ukero na sine mein bachpan se mustaqbil aur kaamyabi ka Dar dil banao

kisi dhul khati hui car ke kanch par ungliyan pher kar dil banao

kabhi lauT aao jo shahr-e-tamanna mein to mujh pe itna sa ehsan karna

yahan tir pahle se maujud hai jo use toDna mat agar dil banao

taKHat mez kursi chamakte hain kari-garon ke lahu aur pasine se ghar mein

numaish hi karni hai wahshat ki to chhil kar kyon na jism-e-shajar dil banao

buzurgon ne jo bhi kiya hai use bhulna mat kabhi imtihanon mein bachcho

kitabon mein naqshe pe kitne bhi border hon tum copiyon mein magar dil banao

jo KHauf-e-nazar hai zamane ke dil mein wo baDhti hui duriyon ka sabab hai

haTa do sabhi apne apne gharon se nazar-baTTu aur dar-ba-dar dil banao

agar chahte ho Thikane lagana bhaTakte hue aashiqon ko yakayak

shab-e-hijr mein ek udasin talab par chandni se qamar dil banao

'anant' ujlat-e-raegani ke mare badalte rahe hain nasha umr-bhar se

dawaon ke namon ko chhoDo tum aashiq ke parche pe bas doctor dil banao