ukhaDti sans ki antim pukar ho jaun

ukhaḌtī saañs kī antim pukār ho jā.ūñ

zamīñ pe ḳhuuñ na gire uñgliyāñ bhigo jā.ūñ

havā.eñ DhūñD rahī haiñ kise chahār taraf

maiñ kis dishā meñ chalūñ kis dayār ko jā.ūñ

ye lamha lamha manāzir kī titliyāñ uḌ kar

chalī na jaa.eñ kahīñ yuuñ ki maiñ bhī kho jā.ūñ

akele rah ke bhī qīmat na lag sakī us kī

to ab ye buuñd samandar meñ hī Dubo jā.ūñ

tū phuul hai na guhar kis tarah sajā.ūñ tujhe

har ek saañs meñ dhaḌkan tirī piro jā.ūñ

bulā rahī hai mujhe merī ḳhaak apnī taraf

maiñ apne aap se niklūñ tamām ho jā.ūñ

bichhī huī hai zamīñ mere vāste 'nashtar'

yahīñ kahīñ isī miTTī kā ang ho jā.ūñ

ukhaDti sans ki antim pukar ho jaun

zamin pe KHun na gire ungliyan bhigo jaun

hawaen DhunD rahi hain kise chahaar taraf

main kis disha mein chalun kis dayar ko jaun

ye lamha lamha manazir ki titliyan uD kar

chali na jaen kahin yun ki main bhi kho jaun

akele rah ke bhi qimat na lag saki us ki

to ab ye bund samandar mein hi Dubo jaun

tu phul hai na guhar kis tarah sajaun tujhe

har ek sans mein dhaDkan teri piro jaun

bula rahi hai mujhe meri KHak apni taraf

main apne aap se niklun tamam ho jaun

bichhi hui hai zamin mere waste 'nashtar'

yahin kahin isi miTTi ka ang ho jaun