ulfat ki jo kitab the wo log mar gae

ulfat kī jo kitāb the vo log mar ga.e

mehr-o-vafā kā baab the vo log mar ga.e

jin par tamām thī mirī be-nām sī hayāt

chāhat kā jo hisāb the vo log mar ga.e

lākhoñ savāl ab mirī muTThī meñ qaid haiñ

in sab ke jo javāb the vo log mar ga.e

ab to havā meñ aisī ghuTan hai ki yaar bas

ḳhushbū the jo gulāb the vo log mar ga.e

jin kī chamak se zindagī meñ raushnī huī

sūraj the māhtāb the vo log mar ga.e

vo jin kā lafz lafz bhī āñkhoñ kā rizq thā

suljhī huī kitāb the vo log mar ga.e

dil kī ḳhushī bhī un ke tavassut se thī mirī

dil kā jo iztirāb the vo log mar ga.e

ulfat ki jo kitab the wo log mar gae

mehr-o-wafa ka bab the wo log mar gae

jin par tamam thi meri be-nam si hayat

chahat ka jo hisab the wo log mar gae

lakhon sawal ab meri muTThi mein qaid hain

in sab ke jo jawab the wo log mar gae

ab to hawa mein aisi ghuTan hai ki yar bas

KHushbu the jo gulab the wo log mar gae

jin ki chamak se zindagi mein raushni hui

suraj the mahtab the wo log mar gae

wo jin ka lafz lafz bhi aankhon ka rizq tha

suljhi hui kitab the wo log mar gae

dil ki KHushi bhi un ke tawassut se thi meri

dil ka jo iztirab the wo log mar gae