umid ki koi chadar to samne aae

umiid kī koī chādar to sāmne aa.e

maiñ ruk bhī jā.ūñ tirā ghar to sāmne aa.e

maiñ rāh-e-ishq meñ ḳhud ko fanā bhī kar dūñgā

mare habīb vo manzar to sāmne aa.e

hamāre baazū kā duniyā kamāl dekhegī

adū kā koī bhī lashkar to sāmne aa.e

meñ ehtirām se dastār is ke sar bāñdhūñ

vo fan-shanās suḳhanvar to sāmne aa.e

karūñgā umr bhar us par maiñ pyaar kī bārish

vo ḳhush-jamāl sā paikar to sāmne aa.e

sar-e-niyāz jhukegā ḳhud us ke qadmoñ meñ

vo le ke haath meñ ḳhanjar to sāmne aa.e

meñ ek sañg huuñ mujh meñ haiñ sūrateñ pinhāñ

mujhe tarāshne aazar to sāmne aa.e

fidā-e-ishq huuñ marne kā Dar nahīñ 'firdaus'

mujhe Dubone samundar to sāmne aa.e

umid ki koi chadar to samne aae

main ruk bhi jaun tera ghar to samne aae

main rah-e-ishq mein KHud ko fana bhi kar dunga

mare habib wo manzar to samne aae

hamare bazu ka duniya kamal dekhegi

adu ka koi bhi lashkar to samne aae

mein ehtiram se dastar is ke sar bandhun

wo fan-shanas suKHanwar to samne aae

karunga umr bhar us par main pyar ki barish

wo KHush-jamal sa paikar to samne aae

sar-e-niyaz jhukega KHud us ke qadmon mein

wo le ke hath mein KHanjar to samne aae

mein ek sang hun mujh mein hain suraten pinhan

mujhe tarashne aazar to samne aae

fida-e-ishq hun marne ka Dar nahin 'firdaus'

mujhe Dubone samundar to samne aae