umid-o-bim ko hasil baqa kya

umīd-o-bīm ko hāsil baqā kyā

maiñ kyā huuñ aur merā mudda.ā kyā

barā-e-sajda jhuktī hai jabīñ kyoñ

qarīb aaya kisī kā naqsh-e-pā kyā

ye kyoñ tārīkiyāñ chhā.ī huī haiñ

umīdoñ kā diyā bhī bujh gayā kyā

hameñ to ġham azal hī se milā hai

hamīñ ham haiñ hamārā pūchhnā kyā

maiñ is tarz-e-taḳhātub ke tasadduq

vo farmāte haiñ mujh ko ho gayā kyā

mire ġham ko ḳhudā shādāb rakkhe

mujhe ahl-e-jahāñ se vāsta kyā

mazāq-e-ishq ke maare hue haiñ

hamāre ġham kā 'bāsit' pūchhnā kyā

umid-o-bim ko hasil baqa kya

main kya hun aur mera muddaa kya

bara-e-sajda jhukti hai jabin kyon

qarib aaya kisi ka naqsh-e-pa kya

ye kyon tarikiyan chhai hui hain

umidon ka diya bhi bujh gaya kya

hamein to gham azal hi se mila hai

hamin hum hain hamara puchhna kya

main is tarz-e-taKHatub ke tasadduq

wo farmate hain mujh ko ho gaya kya

mere gham ko KHuda shadab rakkhe

mujhe ahl-e-jahan se wasta kya

mazaq-e-ishq ke mare hue hain

hamare gham ka 'basit' puchhna kya