umid se tha tasawwur umid hi na rahi

umiid se thā tasavvur umiid hī na rahī

shab-e-firāq meñ pahlī sī be-kalī na rahī

jo baat saare fasāne kī jaan thī shāyad

mile jab un se to vo baat yaad hī na rahī

sivā hamāre kisī par bhī ye karam na huā

sivā hamāre kisī se ye be-ruḳhī na rahī

huā tumhārā tabassum bhī rā.egāñ āḳhir

mizāj-e-dil meñ yahāñ tak shaguftagī na rahī

jo is zamīn kā zarra koī chamak uTThā

to phir falak ke sitāroñ meñ raushnī na rahī

Dubo ke naav mirī mutma.in huā dariyā

mizāj-e-mauj meñ us din se sar-kashī na rahī

siyāhī shab kī ghaTī yā nahīñ magar 'ehsāñ'

vo aa ga.e to in āñkhoñ meñ tīrgī na rahī

umid se tha tasawwur umid hi na rahi

shab-e-firaq mein pahli si be-kali na rahi

jo baat sare fasane ki jaan thi shayad

mile jab un se to wo baat yaad hi na rahi

siwa hamare kisi par bhi ye karam na hua

siwa hamare kisi se ye be-ruKHi na rahi

hua tumhaara tabassum bhi raegan aaKHir

mizaj-e-dil mein yahan tak shaguftagi na rahi

jo is zamin ka zarra koi chamak uTTha

to phir falak ke sitaron mein raushni na rahi

Dubo ke naw meri mutmain hua dariya

mizaj-e-mauj mein us din se sar-kashi na rahi

siyahi shab ki ghaTi ya nahin magar 'ehsan'

wo aa gae to in aankhon mein tirgi na rahi