umr bhar aankhon ka darwaza khula rahna hi tha

umr bhar āñkhoñ kā darvāza khulā rahnā hī thā

kab palaT aa.e koī dhaḌkā lagā rahnā hī thā

jab ḳhulūs-e-dil na shāmil ho to phir kaisā milāp

saath uThte baiThte bhī mas.ala rahnā hī thā

chāhe ham koī jatan karte magar honā thā kyā

be-sabab thā jo ḳhafā us ko ḳhafā rahnā hī thā

ḳhāmushī se bhī mire dil meñ kasak rahnī hī thī

aur kah kar bhī bahut kuchh bin kahā rahnā hī thā

apnā rasta chhoḌ ke jo chal paḌā auroñ ke saath

vo agar rasta bhaTaktā rah gayā rahnā hī thā

rañg bhī āḳhir utarne meñ to kuchh letā hai vaqt

husn āḳhir husn thā jis kā nasha rahnā hī thā

kuchh nahīñ to kyuuñ nahīñ kuchh bhī binā-e-iḳhtilāf

is liye bhī us ko ham se kuchh gila rahnā hī thā

pāsdārī jab qabīle ke rivājoñ kī na kī

phir to zāhir hai qabīle se judā rahnā hī thā

umr bhar aankhon ka darwaza khula rahna hi tha

kab palaT aae koi dhaDka laga rahna hi tha

jab KHulus-e-dil na shamil ho to phir kaisa milap

sath uThte baiThte bhi masala rahna hi tha

chahe hum koi jatan karte magar hona tha kya

be-sabab tha jo KHafa us ko KHafa rahna hi tha

KHamushi se bhi mere dil mein kasak rahni hi thi

aur kah kar bhi bahut kuchh bin kaha rahna hi tha

apna rasta chhoD ke jo chal paDa auron ke sath

wo agar rasta bhaTakta rah gaya rahna hi tha

rang bhi aaKHir utarne mein to kuchh leta hai waqt

husn aaKHir husn tha jis ka nasha rahna hi tha

kuchh nahin to kyun nahin kuchh bhi bina-e-iKHtilaf

is liye bhi us ko hum se kuchh gila rahna hi tha

pasdari jab qabile ke riwajon ki na ki

phir to zahir hai qabile se juda rahna hi tha