umr bhar bahte hain gham ke tund-rau dhaaron ke sath
umr bhar bahte haiñ ġham ke tund-rau dhāroñ ke saath
jaane kyuuñ hote haiñ itne zulm fankāroñ ke saath
abr kī sūrat baraste haiñ buland-o-past par
ham nahīñ aañsū bahāte lag ke dīvāroñ ke saath
zehn ke parde pe raqsinda haiñ pyāsī sūrateñ
ham nashe meñ kaise bah sakte haiñ mai-ḳhvāroñ ke saath
roz ḳhūn-e-ārzū hotā hai phir bhī pyaar hai
ham ko ai hastī tire dilchasp bāzāroñ ke saath
ham-safar hai ḳhāk-o-bād-o-ātish-o-āb ai 'hazīñ'
kaash nibh jaa.e hamārī ab inhī chāroñ ke saath
umr bhar bahte hain gham ke tund-rau dhaaron ke sath
jaane kyun hote hain itne zulm fankaron ke sath
abr ki surat baraste hain buland-o-past par
hum nahin aansu bahate lag ke diwaron ke sath
zehn ke parde pe raqsinda hain pyasi suraten
hum nashe mein kaise bah sakte hain mai-KHwaron ke sath
roz KHun-e-arzu hota hai phir bhi pyar hai
hum ko ai hasti tere dilchasp bazaron ke sath
ham-safar hai KHak-o-baad-o-atish-o-ab ai 'hazin'
kash nibh jae hamari ab inhi chaaron ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
