umr bhar jo ek diya iman ka jalta raha

'umr bhar jo ik diyā īmān kā jaltā rahā

raushnī meñ us kī maiñ ārām se chaltā rahā

nekiyāñ sachchā.iyāñ aur hausla thā mere saath

mushkiloñ kā sāmnā kartā huā chaltā rahā

dost thā lekin hamesha ḳhaas maqsad ke liye

āstīñ meñ vo mirī ik saañp sā paltā rahā

zindagī guzrī ki ik tūfān guzrā raah se

dekh kar maiñ apnā maazī haath hī maltā rahā

merī ġhazloñ par hamesha daad ġhairoñ se milī

apne logoñ ko maiñ aksar bazm meñ khultā rahā

maiñ samajhtā thā use lekin shikāyat kī nahīñ

vo purānā āshnā thā bārhā chhaltā rahā

maiñ to ik patthar thā lekin mom ban jaane ke baa'd

vaqt ke sāñche meñ 'hashmat' raat din Dhaltā rahā

'umr bhar jo ek diya iman ka jalta raha

raushni mein us ki main aaram se chalta raha

nekiyan sachchaiyan aur hausla tha mere sath

mushkilon ka samna karta hua chalta raha

dost tha lekin hamesha KHas maqsad ke liye

aastin mein wo meri ek sanp sa palta raha

zindagi guzri ki ek tufan guzra rah se

dekh kar main apna mazi hath hi malta raha

meri ghazlon par hamesha dad ghairon se mili

apne logon ko main aksar bazm mein khulta raha

main samajhta tha use lekin shikayat ki nahin

wo purana aashna tha barha chhalta raha

main to ek patthar tha lekin mom ban jaane ke ba'd

waqt ke sanche mein 'hashmat' raat din Dhalta raha