umr bhar ke KHwab ka hasil samajh baiThe hain log

umr bhar ke ḳhvāb kā hāsil samajh baiThe haiñ log

sāya-e-dīvār ko manzil samajh baiThe haiñ log

dasht-o-dariyā se guzar ho yā ḳhalāoñ kā safar

ab bhī āsāñ hai magar mushkil samajh baiThe haiñ log

kis nazar se dekhte haiñ mujh ko sab mālūm hai

apnī jānib se mujhe ġhāfil samajh baiThe haiñ log

zindagī ke ek ik pal kī ḳhabar rakhtā huuñ maiñ

be-niyāz-e-hāl-o-mustaqbil samajh baiThe haiñ log

mauja-e-āfāt kā ruḳh moḌne meñ ġharq huuñ

mujh ko bhī āsūda-e-sāhil samajh baiThe haiñ log

sāzishī parda paḌā hai jhuuT sach ke darmiyāñ

kaun qātil hai kise qātil samajh baiThe haiñ log

kis qadar zī-fahm haiñ sab kis qadar bāliġh-nazar

ek jugnū ko mah-e-kāmil samajh baiThe haiñ log

jo guzartā hai vo Thokar maar detā hai 'zafar'

raah ke patthar ko merā dil samajh baiThe haiñ log

umr bhar ke KHwab ka hasil samajh baiThe hain log

saya-e-diwar ko manzil samajh baiThe hain log

dasht-o-dariya se guzar ho ya KHalaon ka safar

ab bhi aasan hai magar mushkil samajh baiThe hain log

kis nazar se dekhte hain mujh ko sab malum hai

apni jaanib se mujhe ghafil samajh baiThe hain log

zindagi ke ek ek pal ki KHabar rakhta hun main

be-niyaz-e-haal-o-mustaqbil samajh baiThe hain log

mauja-e-afat ka ruKH moDne mein gharq hun

mujh ko bhi aasuda-e-sahil samajh baiThe hain log

sazishi parda paDa hai jhuT sach ke darmiyan

kaun qatil hai kise qatil samajh baiThe hain log

kis qadar zi-fahm hain sab kis qadar baaligh-nazar

ek jugnu ko mah-e-kaamil samajh baiThe hain log

jo guzarta hai wo Thokar mar deta hai 'zafar'

rah ke patthar ko mera dil samajh baiThe hain log