umr bhar paikar-e-ehsas mein Dhaale na gae

'umr bhar paikar-e-ehsās meñ Dhāle na ga.e

ham vo vahshī the jo ḳhud se bhī sañbhāle na ga.e

pattharoñ ko bhī kahāñ sahl thā patthar honā

ye bhī hassās the jab tak kī uchhāle na ga.e

kuchh havāoñ meñ tapish thī so badan jalne lagā

aur phir aisā jalā jism ke chhāle na ga.e

ā.ina-sāz thā vo Dhāltā thā ā.īne

aisā Dhālā ki mire 'aks nikāle na ga.e

log ḳhush hote rahe dekh hasīñ maujoñ ko

ham samundar the kabhī dil se khañgāle na ga.e

raat bhar ham bhī safar karte rahe chāñd ke saath

daaġh kuchh ham pe ubhar aa.e nikāle na ga.e

'umr bhar paikar-e-ehsas mein Dhaale na gae

hum wo wahshi the jo KHud se bhi sanbhaale na gae

pattharon ko bhi kahan sahl tha patthar hona

ye bhi hassas the jab tak ki uchhaale na gae

kuchh hawaon mein tapish thi so badan jalne laga

aur phir aisa jala jism ke chhaale na gae

aaina-saz tha wo Dhaalta tha aaine

aisa Dhaala ki mere 'aks nikale na gae

log KHush hote rahe dekh hasin maujon ko

hum samundar the kabhi dil se khangale na gae

raat bhar hum bhi safar karte rahe chand ke sath

dagh kuchh hum pe ubhar aae nikale na gae