umr-bhar uski nishani dekhiye
umr-bhar us kī nishānī dekhiye
ishq kar yuuñ jāvedānī dekhiye
yaad kiije vo parī-chehra sadā
aur har sū rāt-rānī dekhiye
hijr ke mausam meñ bhī gulzār huuñ
ye ġhazab kī bāġhbānī dekhiye
dhaḌkaneñ tasbīh us ke naam kī
dil pe us kī hukmarānī dekhiye
dard mehmāñ hai magar jaatā nahīñ
aap merī mezbānī dekhiye
aap haiñ jo ishq ke ahl-e-zabāñ
merī bhī kar tarjumānī dekhiye
bebasī bechainiyāñ betābiyāñ
'āshnā' ke sab ma.ānī dekhe
umr-bhar us ki nishani dekhiye
ishq kar yun jawedani dekhiye
yaad kije wo pari-chehra sada
aur har su raat-rani dekhiye
hijr ke mausam mein bhi gulzar hun
ye ghazab ki baghbani dekhiye
dhaDkanen tasbih us ke nam ki
dil pe us ki hukmarani dekhiye
dard mehman hai magar jata nahin
aap meri mezbani dekhiye
aap hain jo ishq ke ahl-e-zaban
meri bhi kar tarjumani dekhiye
bebasi bechainiyan betabiyan
'ashna' ke sab maani dekhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
