umr bhi kaT gai aur jiya bhi nahin

'umr bhī kaT ga.ī aur jiyā bhī nahīñ

zindagī tujh se koī gila bhī nahīñ

dard jiine kī ik lāzmī shart hai

aur sitam hai ki is kī davā bhī nahīñ

lauTnā hī nahīñ thā mujhe phir kabhī

varna muḌ-muḌ ke ghar dekhtā bhī nahīñ

'aks ko dekh kar apne hairān huuñ

mere kamre meñ to aa.ina bhī nahīñ

zindagī to kabhī jī na paa.e magar

apne hisse meñ jaise qazā bhī nahīñ

bach ke maqtal se to lauT aa.e magar

ab kahāñ jā.eñge kuchh pata bhī nahīñ

log itne bure to nahīñ shaiḳh-jī

aap jaise magar pārsā bhī nahīñ

apnā dil bhī sulagtā sharar hai 'nafas'

jo jalā bhī nahīñ to bujhā bhī nahīñ

'umr bhi kaT gai aur jiya bhi nahin

zindagi tujh se koi gila bhi nahin

dard jine ki ek lazmi shart hai

aur sitam hai ki is ki dawa bhi nahin

lauTna hi nahin tha mujhe phir kabhi

warna muD-muD ke ghar dekhta bhi nahin

'aks ko dekh kar apne hairan hun

mere kamre mein to aaina bhi nahin

zindagi to kabhi ji na pae magar

apne hisse mein jaise qaza bhi nahin

bach ke maqtal se to lauT aae magar

ab kahan jaenge kuchh pata bhi nahin

log itne bure to nahin shaiKH-ji

aap jaise magar parsa bhi nahin

apna dil bhi sulagta sharar hai 'nafas'

jo jala bhi nahin to bujha bhi nahin