umr inkar ki diwar se sar phoDti hai

umr inkār kī dīvār se sar phoḌtī hai

ranj ye hai use aayā na salīqa apnā

ek din raat ke asrār khuleñge ham par

shak kī bauchhār se chhalnī huā siina apnā

ḳhurd-bīnoñ se ka.ī daaġh chhupā.e apne

ġham-gusāroñ ne koī bhed na paayā apnā

apnī khoī huī āvāz rasā.ī māñge

jaañ se uljhā hai koī naġhma rasīlā apnā

niiñd vo ret kī dīvār ki mismār huī

apnī āñkhoñ meñ chhupā rakkhā hai sahrā apnā

zindagī ek guzartī huī parchhā.īñ hai

ā.īna dekhtā rahtā hai tamāshā apnā

barg-e-āvāz ke mānind uḌeñge ye pahāḌ

ġharq ho jā.egā paanī meñ jazīra apnā

ḳhvāb dekhā thā ki ham hoñge bichhaḌne vaale

munhadim ho ga.e par ḳhvāb na TuuTā apnā

chāñd kī tarh ka.ī daaġh haiñ peshānī par

maut ke sāmne mahtāb hai chehrā apnā

umr inkar ki diwar se sar phoDti hai

ranj ye hai use aaya na saliqa apna

ek din raat ke asrar khulenge hum par

shak ki bauchhaar se chhalni hua sina apna

KHurd-binon se kai dagh chhupae apne

gham-gusaron ne koi bhed na paya apna

apni khoi hui aawaz rasai mange

jaan se uljha hai koi naghma rasila apna

nind wo ret ki diwar ki mismar hui

apni aankhon mein chhupa rakkha hai sahra apna

zindagi ek guzarti hui parchhain hai

aaina dekhta rahta hai tamasha apna

barg-e-awaz ke manind uDenge ye pahaD

gharq ho jaega pani mein jazira apna

KHwab dekha tha ki hum honge bichhaDne wale

munhadim ho gae par KHwab na TuTa apna

chand ki tarh kai dagh hain peshani par

maut ke samne mahtab hai chehra apna