umr ke lambe safar se tajraba aisa mila
umr ke lambe safar se tajraba aisā milā
dhuup jab bhī sar pe aa.ī lāpatā saaya milā
dekhnā hai aks mujh ko apnā puurā hī magar
jab milā vo aa.ina mujh ko zarā TuuTā milā
hañste chehroñ kī kahānī jāntī huuñ ḳhuub maiñ
jis ko bhī parkhā vahī TuuTā milā bikhrā milā
jal rahe the paañv ik muddat se rāhat ke liye
jis taraf bhī maiñ ga.ī taptā huā sahrā milā
raat din māñgā duā jis ham-safar ke vāste
mere jīte-jī vo merā marsiya paḌhtā milā
ye safar maiñ ne akele hī kiyā hai 'chāñdnī'
ham-safar mujh ko kahāñ koī mire jaisā milā
umr ke lambe safar se tajraba aisa mila
dhup jab bhi sar pe aai lapata saya mila
dekhna hai aks mujh ko apna pura hi magar
jab mila wo aaina mujh ko zara TuTa mila
hanste chehron ki kahani jaanti hun KHub main
jis ko bhi parkha wahi TuTa mila bikhra mila
jal rahe the panw ek muddat se rahat ke liye
jis taraf bhi main gai tapta hua sahra mila
raat din manga dua jis ham-safar ke waste
mere jite-ji wo mera marsiya paDhta mila
ye safar main ne akele hi kiya hai 'chandni'
ham-safar mujh ko kahan koi mere jaisa mila
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
