umumi soch se baDh kar bhi kuchh fankar rakhta hai
umumi soch se baDh kar bhi kuchh fankar rakhta hai
Farhan Hanif Warsi
MORE BYFarhan Hanif Warsi
umūmī soch se baḌh kar bhī kuchh fankār rakhtā hai
vasīla koī bhī ho quvvat-e-iz.hār rakhtā hai
mirā ye dil ba-zāhir maslahat-andesh hai lekin
anā haavī agar ho jur.at-e-inkār rakhtā hai
re.āyā ḳhud ko kitnī be-amāñ mahsūs kartī hai
adāvat shaah se jab bhī sipah-sālār rakhtā hai
ta.ajjub hai vafā ke baab meñ bhī had muqarrar hai
vo sab samtoñ meñ jaise kāñch kī dīvār rakhtā hai
hamārī chāhateñ sach haiñ magar hālāt kā dariyā
mujhe is paar rakhtā hai tujhe us paar rakhtā hai
nahīñ apnī ḳhabar 'farhān' ko lekin ba-sad hairat
vo apne saath har dam sub.h kā aḳhbār rakhtā hai
umumi soch se baDh kar bhi kuchh fankar rakhta hai
wasila koi bhi ho quwwat-e-izhaar rakhta hai
mera ye dil ba-zahir maslahat-andesh hai lekin
ana hawi agar ho jurat-e-inkar rakhta hai
reaya KHud ko kitni be-aman mahsus karti hai
adawat shah se jab bhi sipah-salar rakhta hai
tajjub hai wafa ke bab mein bhi had muqarrar hai
wo sab samton mein jaise kanch ki diwar rakhta hai
hamari chahaten sach hain magar haalat ka dariya
mujhe is par rakhta hai tujhe us par rakhta hai
nahin apni KHabar 'farhan' ko lekin ba-sad hairat
wo apne sath har dam subh ka aKHbar rakhta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
