un hi peDon pe ki sayon ka guman rakhte hain

un hī peḌoñ pe ki sāyoñ kā gumāñ rakhte haiñ

munhasir apne liye aag dhuāñ rakhte haiñ

jaise poshāk pe poshāk pahan kar nikleñ

ḳhud ko āzād takalluf se kahāñ rakhte haiñ

ham bhī añgūr kī shāḳhoñ kī tarah uTh uTh kar

haa.e taqdīr ba-dast-e-digrāñ rakhte haiñ

zalzale ā.eñge taslīm bajā lā.eñge

zohd-pindār abhī koh-e-girāñ rakhte haiñ

pahle dīvāngī kī had hī nahīñ khīñchtī thī

sāmne ab ram-e-āhū ke nishāñ rakhte haiñ

is qadar fāsle phailā ke kahāñ baiThā hai

tujhe to paas hī misl-e-rag-e-jāñ rakhte haiñ

un hi peDon pe ki sayon ka guman rakhte hain

munhasir apne liye aag dhuan rakhte hain

jaise poshak pe poshak pahan kar niklen

KHud ko aazad takalluf se kahan rakhte hain

hum bhi angur ki shaKHon ki tarah uTh uTh kar

hae taqdir ba-dast-e-digran rakhte hain

zalzale aaenge taslim baja laenge

zohd-pindar abhi koh-e-giran rakhte hain

pahle diwangi ki had hi nahin khinchti thi

samne ab ram-e-ahu ke nishan rakhte hain

is qadar fasle phaila ke kahan baiTha hai

tujhe to pas hi misl-e-rag-e-jaan rakhte hain