un ke baghair chain na aae to kya karun

un ke baġhair chain na aa.e to kyā karūñ

har-dam unhīñ kī yaad satā.e to kyā karūñ

yuuñ to ḳhud āshiyāñ se qafas bhī qarīb hai

bijlī bas āshiyāñ ko jalā.e to kyā karūñ

zarre haiñ sang-e-mīl sitāre haiñ rāhbar

manzil jo koī phir bhī na paa.e to kyā karūñ

bādal bhī hai bahār bhī hai be-ḳhudī bhī hai

aise meñ un kī yaad satā.e to kyā karūñ

tauba ko maiñ aziiz huuñ tauba mujhe aziiz

lekin koī nazar se pilā.e to kyā karūñ

jī to rahā huuñ hasrat-e-jalva liye hue

hasrat jo diid kī na bar aa.e to kyā karūñ

aa.ī to hai chaman meñ bahār-e-chaman magar

phūloñ ko e.atibār na aa.e to kyā karūñ

tauba phir aaj jaan ke 'aḳhtar' ne toḌ dī

fitrat se apnī baaz na aa.e to kyā karūñ

un ke baghair chain na aae to kya karun

har-dam unhin ki yaad satae to kya karun

yun to KHud aashiyan se qafas bhi qarib hai

bijli bas aashiyan ko jalae to kya karun

zarre hain sang-e-mil sitare hain rahbar

manzil jo koi phir bhi na pae to kya karun

baadal bhi hai bahaar bhi hai be-KHudi bhi hai

aise mein un ki yaad satae to kya karun

tauba ko main aziz hun tauba mujhe aziz

lekin koi nazar se pilae to kya karun

ji to raha hun hasrat-e-jalwa liye hue

hasrat jo did ki na bar aae to kya karun

aai to hai chaman mein bahaar-e-chaman magar

phulon ko eatibar na aae to kya karun

tauba phir aaj jaan ke 'aKHtar' ne toD di

fitrat se apni baz na aae to kya karun