un ke jalwe sahar-o-sham tak aa pahunche hain

un ke jalve sahar-o-shām tak aa pahuñche haiñ

mere āġhāz ab anjām tak aa pahuñche haiñ

hazrat-e-ḳhizr pareshāñ na ho ārām kareñ

ham bhī ab manzil-e-ārām tak aa pahuñche haiñ

tohmat-e-ishq meñ ham aaj akele to nahīñ

vo bhī ab markaz-e-ilzām tak aa pahuñche haiñ

mai-kasho muzda-e-mastī ki janāb-e-vā.iz

baḌh ke ab tazkira-e-jām tak aa pahuñche haiñ

us ko merāj-e-vafā kyuuñ na kahūñ jab aksar

bil-irāda vo mire naam tak aa pahuñche haiñ

ye mirā zabt ki maiñ apnī jagah huuñ mohtāt

dar-haqīqat mujhe paiġhām tak aa pahuñche haiñ

dekh kar tañg-dilī bazm meñ saaqī kī 'safīr'

rind bhī jur.at-e-nākām tak aa pahuñche haiñ

un ke jalwe sahar-o-sham tak aa pahunche hain

mere aaghaz ab anjam tak aa pahunche hain

hazrat-e-KHizr pareshan na ho aaram karen

hum bhi ab manzil-e-aram tak aa pahunche hain

tohmat-e-ishq mein hum aaj akele to nahin

wo bhi ab markaz-e-ilzam tak aa pahunche hain

mai-kasho muzda-e-masti ki janab-e-waiz

baDh ke ab tazkira-e-jam tak aa pahunche hain

us ko meraj-e-wafa kyun na kahun jab aksar

bil-irada wo mere nam tak aa pahunche hain

ye mera zabt ki main apni jagah hun mohtat

dar-haqiqat mujhe paigham tak aa pahunche hain

dekh kar tang-dili bazm mein saqi ki 'safir'

rind bhi jurat-e-nakaam tak aa pahunche hain