unki fitrat usko kahiye ya ki fitrat ka usul
un kī fitrat us ko kahiye yā ki fitrat kā usuul
Duub jaate haiñ sitāre aur bikhar jaate haiñ phuul
ik nazar kī kyā haqīqat hai magar ai dosto
umr bhar kī maut ban jaatī hai ik lamhe kī bhuul
ham to haiñ un mahfiloñ ke aaj tak maare hue
jin meñ naġhmoñ kī hai shorish jin meñ zulfoñ kī hai dhuul
aur jo kuchh bhī hai un ke darmiyāñ vo hai garāñ
zindagī arzāñ hai aur hai maut bhī sahlul-husūl
aaj tak dahkī huī siine meñ hai aariz kī aag
dil meñ ab tak chubh rahe haiñ un kī palkoñ ke babūl
de rahe haiñ is tarah vo 'kākavī'-sāhab kī daad
pūchhte haiñ aap ke ash.ār kī shān-e-nuzūl
un ki fitrat us ko kahiye ya ki fitrat ka usul
Dub jate hain sitare aur bikhar jate hain phul
ek nazar ki kya haqiqat hai magar ai dosto
umr bhar ki maut ban jati hai ek lamhe ki bhul
hum to hain un mahfilon ke aaj tak mare hue
jin mein naghmon ki hai shorish jin mein zulfon ki hai dhul
aur jo kuchh bhi hai un ke darmiyan wo hai garan
zindagi arzan hai aur hai maut bhi sahlul-husul
aaj tak dahki hui sine mein hai aariz ki aag
dil mein ab tak chubh rahe hain un ki palkon ke babul
de rahe hain is tarah wo 'kakawi'-sahab ki dad
puchhte hain aap ke ashaar ki shan-e-nuzul
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
