unki gali mein phirte rahe hum shauq mein KHud diwane se

un kī galī meñ phirte rahe ham shauq meñ ḳhud dīvāne se

āte-jāte mil jaate haiñ vo bhī magar anjāne se

ḳhud hī apnā ḳhuun piyā hai tishna-labī ko miTā liyā

un ko hañstā dekh liyā jab chhalak uThe paimāne se

ummīdoñ ke tāne-bāne joḌe phir bekār hue

koī na samjhā ġham kī haqīqat paḌhā kiye afsāne se

zulf-e-dutā kā jaadū aksar sehr kī sūrat ban ke rahā

kaam kī sūrat kyā niklegī sar apnā sahlāne se

dekhne vaale dekh rahe haiñ ḳhud hī hālat-e-nā-gufta

kyā hogā anjām-e-mohabbat zaḳhm-e-jigar bhar jaane se

shikva shikāyat bhuul ke ik dam behtar hai ḳhāmosh rahūñ

'ḳhizr' baḌhegī bas bechainī dil apnā bahlāne se

un ki gali mein phirte rahe hum shauq mein KHud diwane se

aate-jate mil jate hain wo bhi magar anjaane se

KHud hi apna KHun piya hai tishna-labi ko miTa liya

un ko hansta dekh liya jab chhalak uThe paimane se

ummidon ke tane-bane joDe phir bekar hue

koi na samjha gham ki haqiqat paDha kiye afsane se

zulf-e-duta ka jadu aksar sehr ki surat ban ke raha

kaam ki surat kya niklegi sar apna sahlane se

dekhne wale dekh rahe hain KHud hi haalat-e-na-gufta

kya hoga anjam-e-mohabbat zaKHm-e-jigar bhar jaane se

shikwa shikayat bhul ke ek dam behtar hai KHamosh rahun

'KHizr' baDhegi bas bechaini dil apna bahlane se