unki har baat hai ajib bahut

un kī har baat hai ajiib bahut

par haqīqat se hai qarīb bahut

koī iisā nazar nahīñ aatā

rah-ravān-e-rah-e-salīb bahut

āḳhirī ḳhutba āḳhirī hī rahā

yuuñ to aaya kiye ḳhatīb bahut

aah is sīm-o-zar kī duniyā meñ

aaj bhī log haiñ ġharīb bahut

jab bhī tanhā.iyāñ nasīb huiiñ

aa ga.e tum mire qarīb bahut

intihā.ī ḳhulūs rakhte haiñ

jo ki andar se haiñ raqīb bahut

dil-girafta haiñ aap kyoñ 'hasrat'

aap jaise haiñ kam-nasīb bahut

un ki har baat hai ajib bahut

par haqiqat se hai qarib bahut

koi isa nazar nahin aata

rah-rawan-e-rah-e-salib bahut

aaKHiri KHutba aaKHiri hi raha

yun to aaya kiye KHatib bahut

aah is sim-o-zar ki duniya mein

aaj bhi log hain gharib bahut

jab bhi tanhaiyan nasib huin

aa gae tum mere qarib bahut

intihai KHulus rakhte hain

jo ki andar se hain raqib bahut

dil-girafta hain aap kyon 'hasrat'

aap jaise hain kam-nasib bahut