unki ek ik baat ko dil ne yaad kiya hai sara din

un kī ik ik baat ko dil ne yaad kiyā hai saarā din

yaaro ham ne ḳhuub manāyā ab ke saal kā pahlā din

merī būḌhī āñkheñ Dhaltī shaam kā manzar taktī thiiñ

muḌ kar dekhā to bachchoñ kī peshānī se ubhrā din

dil kyoñ aane vaale kal kī aas lagā.e baiThā hai

aaj bhī haiñ kal se andeshe kal bhī hogā aaj sā din

koī gautam hī samjhegā ye jazboñ kī dhuup aur chhāñv

ham jab ghar ko chhoḌ ke nikle aadhī raat thī aadhā din

tū ne sāñsoñ kī suulī par lambī raat guzārī hai

kaash tire arpan kar saktā maiñ apne hisse kā din

'kaif' lahū meñ kaliyāñ chaTkīñ nazroñ meñ gulzār khile

achchhī sūrat dekh ke nikle achchhe mood meñ guzrā din

un ki ek ek baat ko dil ne yaad kiya hai sara din

yaro hum ne KHub manaya ab ke sal ka pahla din

meri buDhi aankhen Dhalti sham ka manzar takti thin

muD kar dekha to bachchon ki peshani se ubhra din

dil kyon aane wale kal ki aas lagae baiTha hai

aaj bhi hain kal se andeshe kal bhi hoga aaj sa din

koi gautam hi samjhega ye jazbon ki dhup aur chhanw

hum jab ghar ko chhoD ke nikle aadhi raat thi aadha din

tu ne sanson ki suli par lambi raat guzari hai

kash tere arpan kar sakta main apne hisse ka din

'kaif' lahu mein kaliyan chaTkin nazron mein gulzar khile

achchhi surat dekh ke nikle achchhe mood mein guzra din