unki KHwahishen tamam shud meri hasraton pe fatiha

un kī ḳhvāhisheñ tamām shud merī hasratoñ pe fātiha

chashm muntazir hai aarzī sard āhaToñ pe fātiha

vaqt kā bhalā ho sab ke sab aa ga.e haiñ khul ke sāmne

jo bhī ye aziiz ab ke un be-muravvatoñ pe fātiha

qaid kar ke dil kī dhaḌkaneñ paḌh rahā huuñ apne saath maiñ

tere hone se jo thiiñ kabhī aisī rāhatoñ pe fātiha

jā tujhe duā.eñ baḳhsh diiñ tujh ko do jahāñ nasīb hoñ

terī nafratoñ kī ḳhair ho merī chāhatoñ pe fātiha

jin hasīn pal meñ ham mile jitne din ye silsile chale

aaj mere dil ne paḌh diyā saarī sā.atoñ pe fātiha

ab 'navāz' koshisheñ kareñ kab talak ye bojh Dho.eñge

aao yaar aaj paḌh hī leñ apnī furqatoñ pe fātiha

un ki KHwahishen tamam shud meri hasraton pe fatiha

chashm muntazir hai aarzi sard aahaTon pe fatiha

waqt ka bhala ho sab ke sab aa gae hain khul ke samne

jo bhi ye aziz ab ke un be-murawwaton pe fatiha

qaid kar ke dil ki dhaDkanen paDh raha hun apne sath main

tere hone se jo thin kabhi aisi rahaton pe fatiha

ja tujhe duaen baKHsh din tujh ko do jahan nasib hon

teri nafraton ki KHair ho meri chahaton pe fatiha

jin hasin pal mein hum mile jitne din ye silsile chale

aaj mere dil ne paDh diya sari saaton pe fatiha

ab 'nawaz' koshishen karen kab talak ye bojh Dhoenge

aao yar aaj paDh hi len apni furqaton pe fatiha