un se milne ka irada hai qaza se pahle

un se milne kā irāda hai qazā se pahle

kyuuñ na dil khol ke jī luuñ maiñ sazā se pahle

is havāle se hī shāyad use pahchān sakūñ

ḳhud ko pahchān luuñ gar apne ḳhudā se pahle

zard mausam kī thī tamsīl mirī āñkhoñ meñ

rang kuchh aur bhī guzre haiñ ḳhalā se pahle

vaqt mādūm hai aur dahr ke andāz judā

kuchh bhī mumkin hai muqaddar meñ qazā se pahle

terī mahfil kī taraf lauT ke jā.ūñ kaise

pūchh to luuñ dil-e-āshufta-adā se pahle

kaise is ḳhvāb ko TuuTā huā dekhegī sahar

shauq ke diip bujhā duuñ maiñ jafā se pahle

un se milne ka irada hai qaza se pahle

kyun na dil khol ke ji lun main saza se pahle

is hawale se hi shayad use pahchan sakun

KHud ko pahchan lun gar apne KHuda se pahle

zard mausam ki thi tamsil meri aankhon mein

rang kuchh aur bhi guzre hain KHala se pahle

waqt madum hai aur dahr ke andaz juda

kuchh bhi mumkin hai muqaddar mein qaza se pahle

teri mahfil ki taraf lauT ke jaun kaise

puchh to lun dil-e-ashufta-ada se pahle

kaise is KHwab ko TuTa hua dekhegi sahar

shauq ke dip bujha dun main jafa se pahle