unhen bhi ek nazar dekh dur jate hue

unheñ bhī ek nazar dekh duur jaate hue

jo ro rahe haiñ muqaddar ke giit gaate hue

ḳhizāñ meñ kāġhazī gul se bahār laate hue

udaas logoñ ko dekhā hai muskurāte hue

zarā sī der pas-e-parda mujh ko rone de

maiñ thak gayā tirī mahfil meñ muskurāte hue

jo sun ke dekhā to jaanā ki ro rahī hai bahut

ye saañs aaj bhī shahnā.iyāñ bajāte hue

qarīb aane kā kahtā hai duur jā ke mujhe

vo dard bāñTne lagtā hai dil dukhāte hue

saroñ pe dhuup to pairoñ meñ aable pahne

hamārī umr kaTī hai bharam bachāte hue

mujhe lagā hai use bhī mirī zarūrat hai

vo aaj royā hai mujh ko gale lagāte hue

Thahar gayā thā yahāñ mausam-e-ḳhizāñ 'shāhid'

ki sar jhaḌe haiñ chaman meñ bahār laate hue

unhen bhi ek nazar dekh dur jate hue

jo ro rahe hain muqaddar ke git gate hue

KHizan mein kaghazi gul se bahaar late hue

udas logon ko dekha hai muskuraate hue

zara si der pas-e-parda mujh ko rone de

main thak gaya teri mahfil mein muskuraate hue

jo sun ke dekha to jaana ki ro rahi hai bahut

ye sans aaj bhi shahnaiyan bajate hue

qarib aane ka kahta hai dur ja ke mujhe

wo dard banTne lagta hai dil dukhate hue

saron pe dhup to pairon mein aable pahne

hamari umr kaTi hai bharam bachate hue

mujhe laga hai use bhi meri zarurat hai

wo aaj roya hai mujh ko gale lagate hue

Thahar gaya tha yahan mausam-e-KHizan 'shahid'

ki sar jhaDe hain chaman mein bahaar late hue