unhen zamin ki unhen aasman nahin milta

unheñ zamīñ ki unheñ āsmāñ nahīñ miltā

nasīb vāloñ ko kyā kyā yahāñ nahīñ miltā

vahāñ kī āb-o-havā mujh ko chāhiye hī nahīñ

jahāñ pe ishq kā nām-o-nishāñ nahīñ miltā

laboñ pe qisse machalte haiñ roz-o-shab kitne

sunā.eñ kis ko koī ham-zabāñ nahīñ miltā

uThā.e bojh jo saare makān kā tanhā

ab aisā duniyā meñ koī javāñ nahīñ miltā

uThā.e hijr ne kuchh aise yaad ke parde

koī bhī fāsla ab darmiyāñ nahīñ miltā

tumhārī pyaas pe qurbān saiñkaḌoñ dariyā

hamārī pyaas ko koī kuaañ nahīñ miltā

agarche dil ke bhī jangal meñ aag lagtī hai

magar 'nisār' kahīñ bhī dhuāñ nahīñ miltā

unhen zamin ki unhen aasman nahin milta

nasib walon ko kya kya yahan nahin milta

wahan ki aab-o-hawa mujh ko chahiye hi nahin

jahan pe ishq ka nam-o-nishan nahin milta

labon pe qisse machalte hain roz-o-shab kitne

sunaen kis ko koi ham-zaban nahin milta

uThae bojh jo sare makan ka tanha

ab aisa duniya mein koi jawan nahin milta

uThae hijr ne kuchh aise yaad ke parde

koi bhi fasla ab darmiyan nahin milta

tumhaari pyas pe qurban sainkaDon dariya

hamari pyas ko koi kuan nahin milta

agarche dil ke bhi jangal mein aag lagti hai

magar 'nisar' kahin bhi dhuan nahin milta