unhin kanTon se jo phulon ki zaban hote hain

unhīñ kāñToñ se jo phūloñ kī zabāñ hote haiñ

kitne afsāne gulistāñ ke bayāñ hote haiñ

maiñ hī āvāra sā phirtā huuñ kisī kī ḳhātir

log yuuñ raat ko saḌkoñ pe kahāñ hote haiñ

chhoḌ dete haiñ vahāñ dard ke kitne nashtar

ham ġhazal-ḳhvāñ tirī mahfil meñ jahāñ hote haiñ

ek had tak jo bujhā dete the sho.ale dil ke

ab in āñkhoñ meñ vo aañsū bhī kahāñ hote haiñ

ek duniyā-e-ḳhirad dil se lipaT jaatī hai

ham jo us shoḳh kī jānib nigarāñ hote haiñ

ham vo andesha-e-fardā haiñ chaman meñ 'nāzim'

gul ke chehre se jo har aan ayaañ hote haiñ

unhin kanTon se jo phulon ki zaban hote hain

kitne afsane gulistan ke bayan hote hain

main hi aawara sa phirta hun kisi ki KHatir

log yun raat ko saDkon pe kahan hote hain

chhoD dete hain wahan dard ke kitne nashtar

hum ghazal-KHwan teri mahfil mein jahan hote hain

ek had tak jo bujha dete the shoale dil ke

ab in aankhon mein wo aansu bhi kahan hote hain

ek duniya-e-KHirad dil se lipaT jati hai

hum jo us shoKH ki jaanib nigaran hote hain

hum wo andesha-e-farda hain chaman mein 'nazim'

gul ke chehre se jo har aan ayan hote hain