unwan se mawara nahin tha

unvān se māvarā nahīñ thā

vo ishq thā vāhima nahīñ thā

is rah meñ kho gayā thā mujh se

is rah meñ jo milā nahīñ thā

ā.īne to be-shumār hote

is dil ko vo toḌtā nahīñ thā

barsāt bhī thī magar nahīñ thī

ya.anī mujhe bhīgnā nahīñ thā

kyoñ itnā qarīb thā maiñ dil ke

aisā to kabhī huā nahīñ thā

dil se jab ham-kalām thā maiñ

duniyā kā koī patā nahīñ thā

qaabū meñ havās hī nahīñ the

varna to ḳhayāl kyā nahīñ thā

āvāz ke fāsloñ ke mābain

kyoñ qurb vo boltā nahīñ thā

unwan se mawara nahin tha

wo ishq tha wahima nahin tha

is rah mein kho gaya tha mujh se

is rah mein jo mila nahin tha

aaine to be-shumar hote

is dil ko wo toDta nahin tha

barsat bhi thi magar nahin thi

yani mujhe bhigna nahin tha

kyon itna qarib tha main dil ke

aisa to kabhi hua nahin tha

dil se jab ham-kalam tha main

duniya ka koi pata nahin tha

qabu mein hawas hi nahin the

warna to KHayal kya nahin tha

aawaz ke faslon ke mabain

kyon qurb wo bolta nahin tha