us dhoke ne toD diya hai itna mujhko
us dhoke ne toḌ diyā hai itnā mujh ko
ab kuchh bhī samjhā letī hai duniyā mujh ko
yāroñ ne kyā ḳhuub junūñ kā toḌ nikālā
sab ne mil kar chhoḌ diyā samjhānā mujh ko
us ne mujrim Thahrāyā to maan gayā maiñ
vaise koī yaad nahīñ thā vā'da mujh ko
auroñ kī jaañ maiñ ḳhatre meñ Daal na paaya
kashtī kashtī DhūñD rahā thā dariyā mujh ko
is sūrat meñ yaar bhalā kyā kar sakte the
toḌ rahā thā andar kā sannāTā mujh ko
mujh ko paḌhnā mujhe samajhnā kyā lāzim hai
jhuum jhuum ke band karo dohrānā mujh ko
us dhoke ne toD diya hai itna mujh ko
ab kuchh bhi samjha leti hai duniya mujh ko
yaron ne kya KHub junun ka toD nikala
sab ne mil kar chhoD diya samjhana mujh ko
us ne mujrim Thahraya to man gaya main
waise koi yaad nahin tha wa'da mujh ko
auron ki jaan main KHatre mein Dal na paya
kashti kashti DhunD raha tha dariya mujh ko
is surat mein yar bhala kya kar sakte the
toD raha tha andar ka sannaTa mujh ko
mujh ko paDhna mujhe samajhna kya lazim hai
jhum jhum ke band karo dohrana mujh ko
- Book : Dukh Naye Kapde Badal Kar (Pg. 99)
- Author : Shariq Kaifi
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
