us ek baat ka hota raha malal mujhe

us ek baat kā hotā rahā malāl mujhe

ki thak rahā thā vo mushkil meñ Daal Daal mujhe

isī sabab maiñ tabassum kā pairahan pahnūñ

ki is meñ ġham bhī mirā kahtā hai kamāl mujhe

koī tavaqqo' na rakkhā karo kabhī mujh se

ḳhud apnā hī nahīñ rahtā koī ḳhayāl mujhe

tujhe bhulā ke bhī ḳhud ko na yaad kar paa.ī

'ajīb rog ne rakkhā hai kab se paal mujhe

mire sivā mire bhītar koī yaqīnan hai

pukārtā hai jo aksar ki ab nikāl mujhe

bhalā rukā hai yahāñ kaun vaqt aane par

na rok pā.egā duniyā tirā jamāl mujhe

maiñ aaj ho hī ga.ī ḳhud se dekh le bezār

kahā thā maiñ ne ki itnā nahīñ sañbhāl mujhe

us ek baat ka hota raha malal mujhe

ki thak raha tha wo mushkil mein Dal Dal mujhe

isi sabab main tabassum ka pairahan pahnun

ki is mein gham bhi mera kahta hai kamal mujhe

koi tawaqqo' na rakkha karo kabhi mujh se

KHud apna hi nahin rahta koi KHayal mujhe

tujhe bhula ke bhi KHud ko na yaad kar pai

'ajib rog ne rakkha hai kab se pal mujhe

mere siwa mere bhitar koi yaqinan hai

pukarta hai jo aksar ki ab nikal mujhe

bhala ruka hai yahan kaun waqt aane par

na rok paega duniya tera jamal mujhe

main aaj ho hi gai KHud se dekh le bezar

kaha tha main ne ki itna nahin sanbhaal mujhe