us gali mein jo hum ko lae qadam
us galī meñ jo ham ko laa.e qadam
paañv paḌte hī laḌkhaḌā.e qadam
vaa.e qismat maiñ rah gayā pīchhe
aur rafīqoñ ne jald uThā.e qadam
har qadam par hai laash kushte kī
ab kahāñ us galī meñ jaa.e qadam
tere kūche se aa.e jo un ke
apnī āñkhoñ se maiñ lagā.e qadam
ashk-e-ḳhūnī se mere us kū maiñ
naḳhl-e-marjāñ haiñ naqsh-hā-e-qadam
kārvān-e-adam kidhar ko gayā
mutlaq aatī nahīñ sadā-e-qadam
peshtar manzil-e-fanā se nahīñ
vādī-e-mā-o-man meñ jaa.e qadam
'mus.hafī' sālikān-e-ishq kā hai
aisī manzil pe intihā-e-qadam
us gali mein jo hum ko lae qadam
panw paDte hi laDkhaDae qadam
wae qismat main rah gaya pichhe
aur rafiqon ne jald uThae qadam
har qadam par hai lash kushte ki
ab kahan us gali mein jae qadam
tere kuche se aae jo un ke
apni aankhon se main lagae qadam
ashk-e-KHuni se mere us ku main
naKHl-e-marjaan hain naqsh-ha-e-qadam
karwan-e-adam kidhar ko gaya
mutlaq aati nahin sada-e-qadam
peshtar manzil-e-fana se nahin
wadi-e-ma-o-man mein jae qadam
'mushafi' salikan-e-ishq ka hai
aisi manzil pe intiha-e-qadam
- Book : kulliyat-e-mas.hafii(divan-e-soom) (Pg. 144)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
