us ka ek ik guzar nahin bhula

us kā ik ik guzar nahīñ bhūlā

aaj tak vo safar nahīñ bhūlā

merā ḳhud par bhī iḳhtiyār nahīñ

maiñ tujhe chaah kar nahīñ bhūlā

apnā fan tū bhī kho nahīñ paayā

maiñ bhī apnā hunar nahīñ bhūlā

ek pal meñ bhulā diyā us ne

maiñ jise 'umr bhar nahīñ bhūlā

merī jānib na aanā phir se ki maiñ

tere jaane kā Dar nahīñ bhūlā

mujh ko maañ kī du'ā.eñ yaad nahīñ

lekin un kā asar nahīñ bhūlā

ye mohabbat nahīñ to kyā hai 'naqī'

duur rah kar agar nahīñ bhūlā

us ka ek ek guzar nahin bhula

aaj tak wo safar nahin bhula

mera KHud par bhi iKHtiyar nahin

main tujhe chah kar nahin bhula

apna fan tu bhi kho nahin paya

main bhi apna hunar nahin bhula

ek pal mein bhula diya us ne

main jise 'umr bhar nahin bhula

meri jaanib na aana phir se ki main

tere jaane ka Dar nahin bhula

mujh ko man ki du'aen yaad nahin

lekin un ka asar nahin bhula

ye mohabbat nahin to kya hai 'naqi'

dur rah kar agar nahin bhula