us ka KHayal dil se utarne ke baad bhi

us kā ḳhayāl dil se utarne ke baa'd bhī

baḌhtā gayā hai dard sañbhalne ke baa'd bhī

tark-e-ta'alluqāt thā gar merā faisla

vo kyoñ hai mere saath bichhaḌne ke baa'd bhī

hai us kā lams merī hathelī pe ab talak

hāthoñ se us kā haath nikalne ke baa'd bhī

havvā ko to ḳhudā ne banāyā thā is liye

kuchh kam thā kā.enāt ke banñe ke baa'd bhī

lagtī hai merī ziist bhī mushkil sā ik savāl

aur phir javāb denā hai marne ke baa'd bhī

dilbar kī ye adā to 'atā-e-nasīb hai

ab vo bigaḌ rahā hai sañvarne ke baa'd bhī

'shamsa' maiñ apnī zaat ke baare meñ kyā kahūñ

ye to nikhar rahī hai bikharne ke baa'd bhī

us ka KHayal dil se utarne ke ba'd bhi

baDhta gaya hai dard sanbhalne ke ba'd bhi

tark-e-ta'alluqat tha gar mera faisla

wo kyon hai mere sath bichhaDne ke ba'd bhi

hai us ka lams meri hatheli pe ab talak

hathon se us ka hath nikalne ke ba'd bhi

hawwa ko to KHuda ne banaya tha is liye

kuchh kam tha kaenat ke banne ke ba'd bhi

lagti hai meri zist bhi mushkil sa ek sawal

aur phir jawab dena hai marne ke ba'd bhi

dilbar ki ye ada to 'ata-e-nasib hai

ab wo bigaD raha hai sanwarne ke ba'd bhi

'shamsa' main apni zat ke bare mein kya kahun

ye to nikhar rahi hai bikharne ke ba'd bhi