us ka shayad yahi kaam tha is liye humne karne diya

us kā shāyad yahī kaam thā is liye ham ne karne diyā

us ko tohmat se rokā nahīñ ḳhud par ilzām dharne diyā

bebasī is qadar baḌh ga.ī ek mulhid ko jhuknā paḌā

aur taqdīr kā faisla rabb-e-‘ālam ko karne diyā

ghar kī chhat par bikherā gayā bājrā zahr-ālūd thā

maiñ ne is baar chup saadh lī aur parindoñ ko marne diyā

aao bachcho kahānī suno chūhe godām meñ aa ga.e

pahre-dār aisī mastī meñ the un ko ġhalla kutarne diyā

ik dihātan kī dariyā-dilī mujh ko sairāb karne lagī

us ne apne ghaḌe phoḌ kar mujh ko mashkīza bharne diyā

jo nahīñ Dar rahe the unheñ qatl kar dene kā hukm thā

maaoñ ne buzdilī chhoḌ dī apne beToñ ko Darne diyā

us ka shayad yahi kaam tha is liye hum ne karne diya

us ko tohmat se roka nahin KHud par ilzam dharne diya

bebasi is qadar baDh gai ek mulhid ko jhukna paDa

aur taqdir ka faisla rabb-e-‘alam ko karne diya

ghar ki chhat par bikhera gaya bajra zahr-alud tha

main ne is bar chup sadh li aur parindon ko marne diya

aao bachcho kahani suno chuhe godam mein aa gae

pahre-dar aisi masti mein the un ko ghalla kutarne diya

ek dihatan ki dariya-dili mujh ko sairab karne lagi

us ne apne ghaDe phoD kar mujh ko mashkiza bharne diya

jo nahin Dar rahe the unhen qatl kar dene ka hukm tha

maon ne buzdili chhoD di apne beTon ko Darne diya