uske kuche se saba gar idhar aa jati hai

us ke kūche se sabā gar idhar aa jaatī hai

dil ke nāloñ kī mufassal ḳhabar aa jaatī hai

garche us zulf se kuchh kaam nahīñ ab to vale

saañp ke kaaTe kī sī ik lahr aa jaatī hai

mere hote hī tumheñ ġhair se thī karnī baat

dil meñ kuchh kuchh phir isī baat par aa jaatī hai

ye ġhazab hai ki vo rūThā huā phirtā hai jo yaañ

ḳhvāb meñ bhī vahī sūrat nazar aa jaatī hai

zikr chheḌe koī ab kyūñki mirā us ke huzūr

vaañ to har baat meñ teġh-o-sipar aa jaatī hai

sūjhtā kuchh nahīñ us vaqt miyāñ apne ta.iiñ

yaad jis vaqt tirī mū kamar aa jaatī hai

kaaT detā hai vo har baat meñ suntā hī nahīñ

baat merī kabhī majlis meñ gar aa jaatī hai

ik vafādārī jo hai āb-o-gil apne meñ 'hasan'

phir tabī.at nahīñ phirtī jidhar aa jaatī hai

us ke kuche se saba gar idhar aa jati hai

dil ke nalon ki mufassal KHabar aa jati hai

garche us zulf se kuchh kaam nahin ab to wale

sanp ke kaTe ki si ek lahr aa jati hai

mere hote hi tumhein ghair se thi karni baat

dil mein kuchh kuchh phir isi baat par aa jati hai

ye ghazab hai ki wo ruTha hua phirta hai jo yan

KHwab mein bhi wahi surat nazar aa jati hai

zikr chheDe koi ab kyunki mera us ke huzur

wan to har baat mein tegh-o-sipar aa jati hai

sujhta kuchh nahin us waqt miyan apne tain

yaad jis waqt teri mu kamar aa jati hai

kaT deta hai wo har baat mein sunta hi nahin

baat meri kabhi majlis mein gar aa jati hai

ek wafadari jo hai aab-o-gil apne mein 'hasan'

phir tabiat nahin phirti jidhar aa jati hai