uske lahje ki chubhan jism mein chaqu ki tarah

us ke lahje kī chubhan jism meñ chāqū kī tarah

aap kahtā hai vo mujh ko bhī magar tū kī tarah

chhoḌ saktā hī nahīñ ḳhaar kī fitrat vo to

laakh kahtā huuñ ki chhū mujh ko bhī ḳhushbū kī tarah

taptā rahtā hai jo sūraj ke mutābiq har dam

saarī duniyā ko samajhtā hai vo jugnū kī tarah

raas aatī hai use merī ye bad-tar hālat

ristā rahtā hai lahū jism se aañsū kī tarah

kaam aatī hai du'ā us kī sunā hai maiñ ne

kaash kartī ye asar mujh pe bhī jaadū kī tarah

koī paḌhtā hī nahīñ mujh ko zabāñ meñ merī

yā'nī hindī kī tarah aur na urdu kī tarah

vo to baazū se nikaltā hai 'nazar' āñdhī sā

us kī sāñsoñ kī tapish garm kisī lū kī tarah

us ke lahje ki chubhan jism mein chaqu ki tarah

aap kahta hai wo mujh ko bhi magar tu ki tarah

chhoD sakta hi nahin KHar ki fitrat wo to

lakh kahta hun ki chhu mujh ko bhi KHushbu ki tarah

tapta rahta hai jo suraj ke mutabiq har dam

sari duniya ko samajhta hai wo jugnu ki tarah

ras aati hai use meri ye bad-tar haalat

rista rahta hai lahu jism se aansu ki tarah

kaam aati hai du'a us ki suna hai main ne

kash karti ye asar mujh pe bhi jadu ki tarah

koi paDhta hi nahin mujh ko zaban mein meri

ya'ni hindi ki tarah aur na urdu ki tarah

wo to bazu se nikalta hai 'nazar' aandhi sa

us ki sanson ki tapish garm kisi lu ki tarah