uske tewar jo nazar aae bigaDne wale

us ke tevar jo nazar aa.e bigaḌne vaale

ho ga.e zer zamāne ke akaḌne vaale

na to ghar kā hai pata kuchh na ḳhabar apnī hai

aise hote haiñ mohabbat meñ ujaḌne vaale

tū bhī uḌ jā.egā sūkhe hue patte kī tarah

titliyāñ bhaag ke hāthoñ meñ pakaḌne vaale

kis tarah ek hī jhoñke se bujhā ghar kā charāġh

tum to Thahre the havāoñ se bhī laḌne vaale

kab mire paañv meñ zanjīr-e-vafā Dālegā

mere shānoñ ko mohabbat se jakaḌne vaale

DhūñDhtā huuñ maiñ tujhe aaj har ik mele meñ

mujh se kal bhiiḌ meñ ai dost bichhaḌne vaale

āshiyāne kī ijāzat to bajā hai lekin

peḌ 'nāsir' mujhe lagte haiñ ukhaḌne vaale

us ke tewar jo nazar aae bigaDne wale

ho gae zer zamane ke akaDne wale

na to ghar ka hai pata kuchh na KHabar apni hai

aise hote hain mohabbat mein ujaDne wale

tu bhi uD jaega sukhe hue patte ki tarah

titliyan bhag ke hathon mein pakaDne wale

kis tarah ek hi jhonke se bujha ghar ka charagh

tum to Thahre the hawaon se bhi laDne wale

kab mere panw mein zanjir-e-wafa Dalega

mere shanon ko mohabbat se jakaDne wale

DhunDhta hun main tujhe aaj har ek mele mein

mujh se kal bhiD mein ai dost bichhaDne wale

aashiyane ki ijazat to baja hai lekin

peD 'nasir' mujhe lagte hain ukhaDne wale