uski aankhon mein koi KHwab nahin

us kī āñkhoñ meñ koī ḳhvāb nahīñ

kyā piyāle meñ hī sharāb nahīñ

phuul to aur bhī haiñ lekin dost

us ke jaisā koī gulāb nahīñ

haal sūkhe daraḳht se pūchho

apnā saayā bhī dastiyāb nahīñ

pahle bose meñ ishq phīkā lagā

āḳhirī kā koī javāb nahīñ

hijr kī aag se bachā na koī

ashk hī ashk hai bas aab nahīñ

vasl ke din gine haiñ uñglī par

hijr kā koī bhī hisāb nahīñ

tū nahīñ yaad bhī nahīñ terī

dasht-e-dil meñ koī sarāb nahīñ

dekh jis ko ho jaate the pāgal

sāmne hai ab iztirāb nahīñ

hai adab jānñā tabī.at bhī

haal pūchhā hai bāzyāb nahīñ

us ki aankhon mein koi KHwab nahin

kya piyale mein hi sharab nahin

phul to aur bhi hain lekin dost

us ke jaisa koi gulab nahin

haal sukhe daraKHt se puchho

apna saya bhi dastiyab nahin

pahle bose mein ishq phika laga

aaKHiri ka koi jawab nahin

hijr ki aag se bacha na koi

ashk hi ashk hai bas aab nahin

wasl ke din gine hain ungli par

hijr ka koi bhi hisab nahin

tu nahin yaad bhi nahin teri

dasht-e-dil mein koi sarab nahin

dekh jis ko ho jate the pagal

samne hai ab iztirab nahin

hai adab jaanna tabiat bhi

haal puchha hai bazyab nahin