uski ek ek baat ka humne kaisa kaisa pas kiya

us kī ek ik baat kā ham ne kaisā kaisā paas kiyā

jism ko us ne libās kahā to ham ne tark-e-libās kiyā

us ko dekh ke maiñ chup chup thā us ne samjhā sakta hai

ā.īne par aañsū chhiḌke jaane kyā ehsās kiyā

jo patthar bhī mere sar pe lagā vo āḳhir mom huā

jis par us kā dil aaya us patthar ko almās kiyā

munsif ek qatār meñ sharminda sharminda baiThe the

sannāTā thā jab sarmad ne 'adālat meñ ijlās kiyā

nik.hat-e-gul meñ us ke badan kī ḳhushbū bād-e-sabā laa.ī

us kī yaad ne dil ko masosā jī ko bahut hī udaas kiyā

laal huī insāñ ke lahū se ayodhya kī saarī dhartī

raam ko chaudah saal nahīñ jīvan bhar ko banbās kiyā

ham ko dekh ke us ke hoñToñ par aa.ī thī ik muskān

ham ko gumān hue haiñ kyā kyā kyā kyā ham ne qayās kiyā

ek hasīñ ko kahte sunā vo kitnā ḳhud-sar shā'ir thā

ham ne 'kamāl' ko sidhh kiyā hai ham ne 'kamāl' ko daas kiyā

us ki ek ek baat ka hum ne kaisa kaisa pas kiya

jism ko us ne libas kaha to hum ne tark-e-libas kiya

us ko dekh ke main chup chup tha us ne samjha sakta hai

aaine par aansu chhiDke jaane kya ehsas kiya

jo patthar bhi mere sar pe laga wo aaKHir mom hua

jis par us ka dil aaya us patthar ko almas kiya

munsif ek qatar mein sharminda sharminda baiThe the

sannaTa tha jab sarmad ne 'adalat mein ijlas kiya

nikhat-e-gul mein us ke badan ki KHushbu baad-e-saba lai

us ki yaad ne dil ko masosa ji ko bahut hi udas kiya

lal hui insan ke lahu se ayodhya ki sari dharti

ram ko chaudah sal nahin jiwan bhar ko banbas kiya

hum ko dekh ke us ke honTon par aai thi ek muskan

hum ko guman hue hain kya kya kya kya hum ne qayas kiya

ek hasin ko kahte suna wo kitna KHud-sar sha'ir tha

hum ne 'kamal' ko sidhh kiya hai hum ne 'kamal' ko das kiya