uski jaan nazr hui raat lahu ko mere

us kī jaañ nazr huī raat lahū ko mere

jis ne samjhā sharar-ījādī-e-ḳhū ko mere

baaġh meñ gul kā Thaharnā baḌā dushvār huā

us ne jab dekh liyā ā.ina-rū ko mere

ik shanāsā hī mirā dahr-e-ḳhurāfāt meñ hai

jo alag vaz' se bhartā hai subū ko mere

munhasir aap kī hī tab'-e-ravāñ par hai huzūr

ḳhauf-e-shamshīr nahīñ ḳhushk gulū ko mere

sar-basar tū hai mirā vāqif-e-ahvāl-o-junūñ

naqsh-e-pā tak nahīñ milte haiñ kisū ko mere

satvat-e-shān mirī aab kahāñ dekhtī hai

rang hī rang haiñ darkār vuzū ko mere

us ki jaan nazr hui raat lahu ko mere

jis ne samjha sharar-ijadi-e-KHu ko mere

bagh mein gul ka Thaharna baDa dushwar hua

us ne jab dekh liya aaina-ru ko mere

ek shanasa hi mera dahr-e-KHurafat mein hai

jo alag waz' se bharta hai subu ko mere

munhasir aap ki hi tab'-e-rawan par hai huzur

KHauf-e-shamshir nahin KHushk gulu ko mere

sar-basar tu hai mera waqif-e-ahwal-o-junun

naqsh-e-pa tak nahin milte hain kisu ko mere

satwat-e-shan meri aab kahan dekhti hai

rang hi rang hain darkar wuzu ko mere