uski rahmat kar rahi hai uske roze ka tawaf
uski rahmat kar rahi hai uske roze ka tawaf
Tahir Saood Kiratpuri
MORE BYTahir Saood Kiratpuri
us kī rahmat kar rahī hai us ke roze kā tavāf
ye jo bachcha kar rahā hai sūkhe TukḌe kā tavāf
jaane kis misre kī ab taqdīr likkhī jā.egī
kitne misre kar rahe haiñ ek misre kā tavāf
vaqt-e-āḳhir būḌhī maañ tasvīr le kar haath meñ
der tak kartī rahī beTe ke chehre kā tavāf
koī bhī yūñhī nahīñ phirtā kisī ke ird-gird
sab kiyā karte haiñ ohde aur rutbe kā tavāf
titliyāñ kuchh is tarah mañDlā rahī haiñ phuul par
jaise haajī kar rahe hoñ haj meñ ka.abe kā tavāf
kis qadar mushkil hai ghar ta.amīr karnā dekh le
ek chiḌiyā kar rahī hai kab se tinke kā tavāf
muddatoñ taḌpā huuñ tere ghar ke pheroñ ke liye
ai ḳhudā maqbūl kiijo aaj būḌhe kā tavāf
us ki rahmat kar rahi hai us ke roze ka tawaf
ye jo bachcha kar raha hai sukhe TukDe ka tawaf
jaane kis misre ki ab taqdir likkhi jaegi
kitne misre kar rahe hain ek misre ka tawaf
waqt-e-aKHir buDhi man taswir le kar hath mein
der tak karti rahi beTe ke chehre ka tawaf
koi bhi yunhi nahin phirta kisi ke ird-gird
sab kiya karte hain ohde aur rutbe ka tawaf
titliyan kuchh is tarah manDla rahi hain phul par
jaise haji kar rahe hon haj mein kabe ka tawaf
kis qadar mushkil hai ghar tamir karna dekh le
ek chiDiya kar rahi hai kab se tinke ka tawaf
muddaton taDpa hun tere ghar ke pheron ke liye
ai KHuda maqbul kijo aaj buDhe ka tawaf
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
