usko har baat batane ki zarurat nahin hai

us ko har baat batāne kī zarūrat nahīñ hai

dar ko dīvār banāne kī zarūrat nahīñ hai

ab maiñ dariyā ke kināre pe pahuñch saktā huuñ

ab mirī naav bachāne kī zarūrat nahīñ hai

is ghane peḌ pe rahne kā irāda hī nahīñ

in parindoñ ko uḌāne kī zarūrat nahīñ hai

shukriya aap kī is banda-navāzī ko salām

ab kisī aur bahāne kī zarūrat nahīñ hai

shād-o-ābād makīnoñ se makāñ hote haiñ

ḳhālī kamroñ ko sajāne kī zarūrat nahīñ hai

dar-o-dīvār se hai merī shanāsā.ī bahut

ab kisī ko yahāñ aane kī zarūrat nahīñ hai

ye kafan mere liye parcham-e-āzādī hai

dosto rone rulāne kī zarūrat nahīñ hai

ek duniyā mire atrāf hai ābād 'zahūr'

ghar se bāhar mujhe jaane kī zarūrat nahīñ hai

us ko har baat batane ki zarurat nahin hai

dar ko diwar banane ki zarurat nahin hai

ab main dariya ke kinare pe pahunch sakta hun

ab meri naw bachane ki zarurat nahin hai

is ghane peD pe rahne ka irada hi nahin

in parindon ko uDane ki zarurat nahin hai

shukriya aap ki is banda-nawazi ko salam

ab kisi aur bahane ki zarurat nahin hai

shad-o-abaad makinon se makan hote hain

KHali kamron ko sajaane ki zarurat nahin hai

dar-o-diwar se hai meri shanasai bahut

ab kisi ko yahan aane ki zarurat nahin hai

ye kafan mere liye parcham-e-azadi hai

dosto rone rulane ki zarurat nahin hai

ek duniya mere atraf hai aabaad 'zahur'

ghar se bahar mujhe jaane ki zarurat nahin hai