usko hua hai pyar ka aazar kis tarah

us ko huā hai pyaar kā āzār kis tarah

nargis chaman meñ ho ga.ī bīmār kis tarah

dil par karam kare nigah-e-yār kis tarah

bīmār se ho pursish-e-bīmār kis tarah

āñkheñ haiñ kor jalva-e-jānāñ nazāra-soz

niklegī dil se hasrat-e-dīdār kis tarah

marnā thā sahl pās-e-vafā se na mar sakā

itnī sī baat ho ga.ī dushvār kis tarah

dil meñ bañdhā tasavvur-e-zulf-e-darāz-e-yār

zanjīr ho ga.ī hai giraftār kis tarah

ai āh-e-garm terī to shoḳhī nahīñ hai ye

kumhlā ga.e haiñ phuul se ruḳhsār kis tarah

itnā koī ḳhudā ke liye aa ke dekh le

dam toḌtā hai 'muztar'-e-bīmār kis tarah

us ko hua hai pyar ka aazar kis tarah

nargis chaman mein ho gai bimar kis tarah

dil par karam kare nigah-e-yar kis tarah

bimar se ho pursish-e-bimar kis tarah

aankhen hain kor jalwa-e-jaanan nazara-soz

niklegi dil se hasrat-e-didar kis tarah

marna tha sahl pas-e-wafa se na mar saka

itni si baat ho gai dushwar kis tarah

dil mein bandha tasawwur-e-zulf-e-daraaz-e-yar

zanjir ho gai hai giraftar kis tarah

ai aah-e-garm teri to shoKHi nahin hai ye

kumhla gae hain phul se ruKHsar kis tarah

itna koi KHuda ke liye aa ke dekh le

dam toDta hai 'muztar'-e-bimar kis tarah