us mah-jabin se aaj mulaqat ho gai
Interesting Fact
The eight couplet refers to the prominent poet Akhtar Shirani's beloved Salma who hailed from Gujrat.
us mah-jabīñ se aaj mulāqāt ho ga.ī
bedard āsmān ye kyā baat ho ga.ī
āvārgān-e-ishq kā maskan na pūchhiye
paḌ rahte haiñ vahīñ pe jahāñ raat ho ga.ī
zikr-e-shab-e-visāl ho kyā qissa muḳhtasar
jis baat se vo Darte the vo baat ho ga.ī
masjid ko ham chale ga.e mastī meñ bhuul kar
ham se ḳhatā ye pīr-e-ḳharābāt ho ga.ī
pichhle ġhamoñ kā zikr hī kyā jab vo mil ga.e
ai āsmāñ talāfi-e-māfāt ho ga.ī
zāhid ko zindagī hī meñ kausar chakhā diyā
rindoñ se aaj ye bhī karāmāt ho ga.ī
bechain rakhne vaale pareshāñ hoñ ḳhud na kyuuñ
āḳhir ko terī zulf mirī raat ho ga.ī
jhūlā jhulā.eñ chal ke hasīnoñ ko baaġh meñ
gujrāt meñ sunā hai ki barsāt ho ga.ī
kyā fā.eda ab 'aḳhtar' agar pārsā bane
jab saarī umr nazr-e-ḳharābāt ho ga.ī
us mah-jabin se aaj mulaqat ho gai
bedard aasman ye kya baat ho gai
aawargan-e-ishq ka maskan na puchhiye
paD rahte hain wahin pe jahan raat ho gai
zikr-e-shab-e-visal ho kya qissa muKHtasar
jis baat se wo Darte the wo baat ho gai
masjid ko hum chale gae masti mein bhul kar
hum se KHata ye pir-e-KHarabaat ho gai
pichhle ghamon ka zikr hi kya jab wo mil gae
ai aasman talafi-e-mafat ho gai
zahid ko zindagi hi mein kausar chakha diya
rindon se aaj ye bhi karamat ho gai
bechain rakhne wale pareshan hon KHud na kyun
aaKHir ko teri zulf meri raat ho gai
jhula jhulaen chal ke hasinon ko bagh mein
gujraat mein suna hai ki barsat ho gai
kya faeda ab 'aKHtar' agar parsa bane
jab sari umr nazr-e-KHarabaat ho gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
